• Mpendwa, Jiunge na Jamii ya Wanafunzi Kwa Kujisajili au Login Kama Tayari ni Member. Endelea Kuchangia Mada, Kuanzisha Mijadala Mbalimbali na Ujishindie Zawadi kutoka kwetu. Kama Simu, Laptop, Vocha na Nyinginezo Nyingi.

Athari za madawa ya kulevya kwenye moyo

Wanachuo Doctor

WF Doctor
Staff member
#1
Madawa ya kulevya yameleta athari sana katika jamii, kutokana na ile hali ya kufanya hisia ya utegemezi, kwamba mtu anaona hawezi kufanya chochote bila kupata japo kidogo.

Kuna aina nyingi za madawa ya kulevya ila aina mbili ndio ambayo yanasumbua sana,

  • Cocaine
  • Heroin
Cocaine hutokana na majani ya mmea uitwao kitaalamu Erythroxylon coca, na huandaliwa kwa kupitia hatua mbali mbali na hatua moja wapo ni ya kupata kinachotumika kuengenezea soda za cola, na hatua ya mbele zaidi ndio cocaine. matumizi yake ni kwa kujichoma sindano, na wengine huvuta aidha kwa kuunguza kwanza ambao huitwa‘crack’ , mpaka mwaka 2007,Marekani ilikuwa na watumiaji million 2.1, na kati ya hao million 1.6 walikuwa tegemezi au mateja , na matumizi ya kawaida au ya kupitiliza ya cocaine yalipekea asilimia 30% kuhudhuria hospitali kutokana na athari zake, na wengi hufika hospitali wakilalamika maamumivu makali ya kifua.

Kutoka katika jarida la Circulation Vol.122, issue24 liliotolewa Desemba 2010, waliripoti kati ya wagonjwa 233 ambao ni watumiaji wa cocaine katika idara ya dharura asilimia 56% walikuwa na athari kwenye moyo na asilimia 40% walilalamika kuwa na maumivu ya kifua.

Heroin hutoka kwenye ua kitaalamu hujulikana papaver somniferum- opium poppy, katika karne ya 18, madaktari walitumia kama dawa ya kupunguza maumivu hasa kwa wagonjwa wa saratani, pepopunda, hedhi. Mwishoni mwa karne ya 18 ndio madaktari waligundua hali ya tegemezi ya kulevya iliyoletwa na heroin. Huandaliwa kupitia hatua mbali mbali na hatua moja wapo ni dawa ambayo hutumiwa kupunguza maumivu kitaalamu Morphine, na hatua za mbele zaidi ndio heroin. Heroin hutumika kwa njia ya kunusa na kuvuta puani na kujichoma sindano

Cocaine na Heroin zote hulevya kukupa hali ya kujisikia furaha kitaalamu Euphoria, ila hupelekea kuwa tegemezi wa kulevya huko.

Madhara yanayoletwa na Cocaine

Cocaine huathiri mfumo wa mishipa ya fahamu (sympathetic nervous system) kwa kuzuia ufyonyaji upya wa homoni ya katekolamine na kuongeza kazi yake ambayo ni kuongeza mapigo ya moyo, kuongeza shinikizo la damu,kuongeza kazi ya misuli ya moyo kupiga zaidi hivyo kusababisha mahitaji ya oxijeni kuongezeka, vile vile mkazo (spasms) au mbano kwenye mishipa ya damu ya moyo hupunguza usambazaji wa oxijeni, vyote hivi hupelekea misuli ya moyo kuumia napengine kufa (ischemia-infarction)

Cocaine pia huzuia njia za usafirishaji madini(Ion) ya sodium kwenye moyo, na kusababisha moyo kupiga bila mpangilio

Zifuatazo ni athari zinazoweza kusababishwa na Cocaine:

  • Mshtuko wa moyo (heart attack)
  • Moyo kushindwa kufanya kazi vizuri (heart failure)
  • Shida au magonjwa ya misuli ya moyo (cardiomyopathies)
  • Kuchanika kwa mshipa mkubwa wa damu (aortic dissection)
  • Maambukizi ya misuli ya ndani ya moyo (endocarditis)
  • Moyo kupiga bila mpangilio
Dalili kuu ya mgonjwa anayekuja na matatizo ya moyo kwasababu ya matumizi ya cocain:

  • Maumivu ya kifua, kifua kinakuwa kizito na huambatana na kushindwa kupumua vizuri na kutokwa jasho sana
Dalili nyingine ni:

  • Kichefuchefu
  • Kuhisi mapigo yako ya moyo
  • Na kutapika
Athari zinazoletwa na heroin ni:

  • Maambukizi kwenye bitana ya moyo
  • Maambukizi kwenye milango ya moyo
Vipimo mbali mbali vya moyo ambavyo hufanyika ni:

  • Electrocardiogram- kuangalia hali ya mapigo ya moyo na kuweza kugundua shida ya mishipa ya damu ya moyo, Maambukizi kwenye bitana ya moyo
  • Echocardiogram- kuangalia uwezo wa myo kufanya kazi na kama kuna shida kwenye misuli ya moyo, milango ya moyo au maambukizi kwenye milango ya moyo
  • Cardiac Biomakers- hasa Troponin kuangalia kama kuna shida kwenye mishipa damu ya moyo
Matitabu ya maumivu makali ya kifua na mshtuko wa Moyo

  • Dawa za junior Aspirin na Benzodiazepines
  • Na kwa wenye mshtuko wa moyo watahitaji kupata matibabu zaidi ikiwemo ya kuzibua mishipa hiyo (PCI)
  • Kutibu kila ugonjwa kutokana na ushauri wa daktari
NB: ni muhimu kupata matibabu hospitali na kamwe usijitibu mwenyewe

Ushauri nasaha

  • Wa kuacha matumizi ya madawa ya kulevya cocain na heroin na kuanza mpango wa detoxification